“Wizz Air” nis fluturimet në Prishtinë

“Wizz Air”, kompania me kosto të ulët në Evropën Qendrore dhe Lindore, do të lidhë Prishtinën me Budapestin e Hungarisë.
Të premten ishte organizuar një ceremoni inauguruese e fluturimeve të kompanisë ajrore “Wizz Air” në aeroportin ndërkombëtar të Prishtinës “Adem Jashari”.

Më këtë, siç raportojnë mediat në Prishtinë, edhe nis operimi në tregun kosovar i një prej kompanive më të mëdha në Evropë që operon me kosto të ulët.

Sorona Ratz nga “Wizz Air” tha se linja e re ofron shërbime 19.99 euro për Budapest, kurse nga 22 qershori i këtij viti nisin fluturimet për Londër me çmime prej 39.99 eurosh.

Operimet e kësaj kompanie në Evropë dhe më gjerë ofrojnë shërbime të përballueshme në 133 destinacione, në 40 vende.