Trusti i Kursimeve Pensionale, me humbje edhe në shtator

13 milionë euro para të pensioneve janë avulluar në tregun ndërkombëtar financiar pasi çmimi i aksioneve ka rënë në 0.99 euro nga 1.025 sa ishte në fund të gushtit.

Zyrtarët e Trustit ende po i mbajnë sekret të dhënat për performancën e mjeteve në menaxhim, të investuara në tregun ndërkombëtar, raporton Express.

Jeton Demi, zyrtar për informim në këtë institucion ka thënëë se nuk do të flasin deri javën e ardhshme kur do t’i bëjnë publike të dhënat për performancën e Trustit.

Për zyrtarët e këtij institucioni, duket se lëvizja e çmimeve të aksioneve për muaj nuk është shqetësim i madh.

Të shqetësuar nuk duken as anëtarët e Komisionit parlamentar për buxhet dhe financa, të cilëve u raporton ky institucion.