Lëndohen tetë pjesëtarë të KFOR-it në veri

Janë lënduar tetë pjesëtarë të KFOR-it në aksionin e sotëm për heqjen e barrikadave nga rrugët në veri të Kosovës. Zyra për Informim e KFOR-it thotë se një ushtar është lënduar nga gazi lotsjellës, kurse një tjetër nga tymi i madh, ndërsa gjashtë të tjerë nga mjetet për shuarjen e zjarrit.

Përpos mjeteve kryesore ushtarake, KFOR-i ka qenë i pajisur edhe ma makineri të ndryshme për largimin e barrikadave. Stacioni i parë ku kanë ndaluar ishte në afërsi të barrikadës në fshatin Zupç, me ç’rast menjëherë janë mobilizuar serbët në numër të madh. Barrikada në Zupç është larguar, por ka pasur konfrontime ndërmjet KFOR-it dhe serbëve lokalë. Ndërkohë edhe në fshatin Jagnjenicë, gjatë tentimit për largimin e barrikadës, KFOR-i ka hasur në kundërshtimin e minoritarëve serbë.