Në Shqipëri do privatizohen 95 për qind e pronave shtetërore

Rreth 95 për qind të pronave shtetërore do të privatizohen, pasi ky proces i shërben ekonomisë shqiptare.

Kështu ka deklaruar Ministri i Ekonomisë Nasip Naço për Neës24, ku publikoi vendimin e qeverisë për privatizimet.

Ai bëri të ditur se shteti me këtë synon që t’i kalojë përmes këtij procesi pasuritë që mbajnë emrin e shtetit.

Deklaratat e opozitës se nuk do njohin këtë proces, ministri i ka konsideruar si një moment krize të së majtës.

Ministri ka paralajmëruar dhe liberalizimin e tregut energjetik duke pranuar se në këtë sektor jo gjithçka ka ecur sipas parashikimeve.

Ministri i Ekonomisë së Shqipërisë, u ndal edhe tek çmimet e energjisë elektrike duke përmendur se ato menaxhohen tashmë nga një kompani private sic është CEZ.

Ministri Naço paralajmëroi gjithashtu edhe prishjen e 15 kontratave koncensionare për ndërtimin e hidrocentraleve në vend, për shkak të problemeve ligjore dhe financiare si dhe heqjen e licensave për 20 subjekte të tregtimit të hidro-karbureve, pasi është kosntatuar sepse është abuzuar me cilësinë e tyre. Për të njëjtën arsye, tha Naço, janë hequr dhe 60 licensa të tilla pas një kontrolli të ushtruar vetëm pak kohë më parë.