Marty “shpëton” nga padia e Thaçit

Në kohën e publikimit të raportit, në dhjetor të vitit të kaluar, kryeministri Thaçi pati premtuar padi kundër Marty-t për shpifje

Kryeministri i Kosovës, Hashim Thaçi ka hequr dorë nga padia e premtuar kundër Dick Marty-t, autorit të raportit që pati bërë bujë vitin e kaluar me akuzat e rënda për trafikim organesh.

Këtë e ka bërë të ditur zëvendëskryeministri Hajredin Kuçi, i cili në një intervistë dhënë Kohës Ditore ka thënë se se Kryeministri nuk do të ndërmarrë asgjë në këtë drejtim

Në kohën e publikimit të raportit, në dhjetor të vitit të kaluar, kryeministri Thaçi pati premtuar se do të ngrejë padi kundër Marty-t për shpifje.

Këto ditë, task forca e BE-së për të hetuar pretendimet e Martyt ka nisur me hetimet duke intervistuar disa njerëz, njëri prej të cilëve ishte nga Ferizaj. Marty pretendon se janë kryer krime të trafikimit të organeve me njerëz në kampe përqendrimi të mbajtura nga UÇK-ja në Shqipëri gjatë vitit 1999.