Nuk ka para nga BB-ja, pa marrëveshje me FMN-në

Megjithatë, në Ministrinë e Financave shorehen tëi bindur se deri në fund të vitit këto para do të vinë nga Banka Botërore

Buxheti i Kosovës për vitin 2012 do t’i ketë 30 milionë euro më pak se që i kanë planifikuar ekspertët e financave të shtetit.

Megjithatë, zëvendësministri i Financave, Ramadan Avdiu, në deklaratat e tij publike është i bindur se deri në fund të vitit këto para do të vinë nga Banka Botërore.

“Jam shumë i bindur se deri në fund të vitit do të vijnë mjetet nga Banka Botërore”, ka pohuar Avdiu, shkruan Express.

Por, pikërisht zyrtarët e lartë të këtij institucioni financiar ndërkombëtar e demantojnë zëvendës shefin e financave të Kosovës.

Sipas këaj gazete, raportet jo të mira të Qeverisë së Kosovës me Fondin Monetar Ndërkombëtar do të jenë pengesë që paratë e Bankës Botërore të derdhen në buxhet.

Vetë shefi i BB-së në Kosovë, Jan-Peter Olters, në një intervistë për Express, ka pohuar se së bashku me këtë institucion dhe Ministrinë e Financave duhet të sigurohen që gjithçka të jetë në rregull para mesit të vitit të ardhshëm për të derdhur mjetet e parapara në buxhet.

Si kusht që qeveria t’i meritojë paratë e këtij institucioni është që të jetë në program me FMN-në.

“Tani për tani programi që Kosova ka me Fondin (Staf Monitoring Program) nuk është formal. Ai nuk lëshon para, por krijon bazën që bashkë me Fondin të përgatitet projekti i ardhshëm për programin e ardhshëm”, ka pohuar Olters.