Për Serbinë, dilema është e qartë: ose Evropa, ose Kosova

Mesazhi i kancelares gjermane, Angela Merkel, ka shënuar disfatën e politikës serbe “edhe BE, edhe Kosova”, dhe tash dilema para Beogradit është ose Evropa, ose Kosova.

Kështu thotë gazetari dhe analisti politik nga Beogradi, Boshko Jakshiqi, njëri prej nënshkruesve të dokumentit “Nryshimi”, me të cilin kërkohet ndryshim rrënjësor i politikës së Qeverisë serbe ndaj Kosovës.

Në një intervistë për “Kohën Ditore”, Jakshiqi, i cili është komentator dhe redaktor i rubrikës së jashtme në gazetën “Politika” të Beogradit, thotë se zgjidhja e vetme për veriun e Kosovës është një autonomi e lartë për serbët atje, e ngjashme me planin Z-4, që u është ofruar dikur serbëve në Kroaci.