Policët kërkojnë ndihmë!

Gjithnjë më shumë policë bëhen viktima të dhunës dhe detyrohen të trajtohen në spitale

Federata e policëve të Zvicrës ka nisur një fushatë për të mbrojtur, jo rendin dhe qytetarët, por veten! “Stop dhunës kundër policeve dhe policëve” është motoja e fushatës, përmes të cilës mbrojtësit e rendit dëshirojnë të sensibilizojnë opinionin me gjendjen e tyre.

Sipas të dhënave që ka paraqitur federata, gjatë vitit 2010 janë shënuar afër 2000 kërcënime dhe delikte dhune të drejtuara kundër policëve. Kjo shifër tregon një rritje të madhe krahasuar me vitin 2000, kur ishin regjistruar vetëm rreth 800 kërcënime dhe sulme ndaj policëve.

Federata e policëve ka marrë mbështetje edhe nga drejtorët e policive të kantoneve dhe nga komandantët policorë.