SP-PS, me dy kandidatë në garën për qeveri

Ata janë: Alain Berset, deputet në Dhomën e Kantoneve dhe Pierre-Yves Maillard ministër në Qeverinë e Kantonit Vaud

Partia Socialdemokrate e Zvicrës (SP-PS) ka marrë vendimin përfundimtar që, në garën për vendin e zbrazët në qeverinë e vendit pas dorëheqjes së ministres dhe presidentes Micheline Calmy-Rey, të garojnë dy kandidatë.

Alain Berset, 39 vjeçar nga Friburgu, aktualisht deputet në Dhomën e Kantoneve dhe Pierre-Yves Maillard ministër në Qeverinë e Kantonit Vaud, janë të zgjedhurit e Grupit Parlamentar të SP-PS-së.

Dy kandidatë tjerë të deridjeshëm, Marina Carobbio, deputete nacionale nga kantoni i Tiçinos dhe Stephane Rossini deputet nacional nga Valisi, janë diskualifikuar.

Në konferencën për medie, kryetarja e Grupit Parlamentar të SP-PS-së, Ursula Wyss, ka thënë se kjo parti ka qenë në sprovën për të vendosur në mes të katër kandidatëve shumë të mirë dhe të dëshmuar.