Gjendet i vdekur sulmuesi i policisë

Është gjetur i vdekur njeriu i armatosur i cili kishte sulmuar policinë dhe pastaj ishte ngujuar në banesën e tij, në Soloturn. Këtë e ka konfirmuar në orët e paradites Policia e Kantonit të Cyrihut.

I apostrofuari kishte sulmuar me armë zjarri dy policë dhe pastaj ishte tërhequr në banesën e vet, prej nga kishte vazhduar të shtënat kundër policëve. Banorët e ndërtesës ku ai ishte ngujuar ishin evakuuar nga policia dhe mbahej e rrethuar.

Policia e ka gjetur kufoma e personit në fjalë në orën tre të mëngjesit kur kishte provuar të hynte me forcë në banesën ku ishte ngujuar personi i armatosur. Ndërkohë, ende nuk ka të dhëna rreth asaj se si ka ndodhur vdekja ose vrasja e tij.

Hetimet do të dëshmojnë nëse ai ka bërë vetëvrasje ose që të jetë vrarë nga shkëmbimi i të shtënave në mes të tij dhe policisë, që ka ndodhur natën e mbrëmshme.