Diskriminohen të sëmurët nga AIDS

Personat einfektuar me HIV, ose të smurët nga AIDS-i vazhdojnë të jenë të diskriminuar edhe në shoqërinë zvicerane. Këtë konstatim e ka bërë organizata për mbrojtjen e të prekurve nga kjo sëmundje “Aids-Hilfe” në një paraqitje për medie, dy ditë para 1 dhjetorit, ditës së AIDS-it.

Kjo organizatë raporton për 84 raste të diskriminimit, të paraqitura brenda 12 muajve të fundit. Gjendje veçanërisht e ndjeshme mbretëron në vendet e punës, ku të sëmurët me HIV i nënshtrohen një mobingu të vazhdueshëm. Ndodhin madje edhe pushime nga puna me këtë bazë.

Për këtë arsye Aids-Hilfe kërkon një mbrojtje më të mirë në procdurën e pushimit nga puna për të sëmurët nga AIDS-i.