Danimarka: 10.1 milionë euro për bujqësinë kosovare

Qeveria e Mbretërisë së Danimarkës përkrah sektorin e bujqësisë me 10.1 milionë euro

Ministri i Financave, Bedri Hamza dhe zëvëndës ambasadori i Mbretërisë së Danimarkës në Shqipëri, Flemming Gredsted, sot në një takim të përbashkët ku i pranishëm ishte edhe ministri i Bujqësisë, Blerand Stavileci, nënshkruan marrëveshje për një donacion danez në vlerë prej 10.1 milionë eurosh. 

Mbi 80 për qind të vlerës së përgjithshme të donacionit do të ofrohet si grante investive për përkrahjen e sektorit të bujqësisë dhe zhvillimit rural.

Ministri Stavileci tha se projekti që do të financohet me këto mjete është pjesë e programit të Ministrisë së Bujqësisë dhe në masë të madhe do të implementohet si grante investive për sektorin e bujqësisë dhe zhvillimin rural.

Ndërsa, ministri Financave Bedri Hamza tha se për Qeverinë si prioritet kryesor është rritja ekonomike dhe njëri prej kontribuesve të mëdhenj në këtë rritje ekonomike është edhe sektori i bujqësisë.