Bani Ki-moon përshëndet IBM-në

Sekretari i përgjithshëm i OKB-së ka përshëndet arritjen e marrëveshjes për menaxhimin e përbashkët të kufijve ndërmjet Kosovës dhe Serbisë.

Ai pret se kjo do të hap rrugën për normalizimin e situatës në pikëkalimet në Bërnjak dhe Jarinjë. Poashtu Ban Ki-moon ka shprehur besimin se në sajë të marrëveshjes së arritur, “në mënyrë paqësore do të riinstalohet liria lëvizjes”.

Zëdhënësi i Sekretarit të Përgjithshëm, Martin Nesirky, ka bërë të ditur se Ban Ki-moon u ka bërë thirrje të dyja palëve që të vazhdojnë të zhvillojnë dhe të zbatojnë marrëveshjen e bazuar në konkluzat e IBM-së, “të cilat janë në përputhje me Rezolutën 1244 të OKB-së”.

Sekretari i Përgjithshëm i OKB-së ka kërkuar gjithashtu që të gjitha palët të respektojnë marrëveshjet e arritura në kuadër të dialogut, që të përmbahen nga veprimet e njëanshme dhe “të mbështesin uljen e tensioneve në terren”.