Ateistët paguajnë rrogat e priftërinjve!

Përmes tatimeve kantonale që i paguajnë të gjithë qytetarët, financohen, mes tjerash edhe pagat e njerëzve të zotit

Sado ateist që të deklarohesh, edhe ti merr pjesë në financimin e rrogave të priftërinjve! Kështu është e rregulluar kjo çështje në Zvicër, përmes tatimeve kantonale që i paguajnë të gjithë qytetarët, financohen, mes tjerash edhe pagat e njerëzve të zotit. Pra, edhe ata që nuk i takojnë asnjërës kishë të Zvicrës u kontribuojnë këtyre kishave.

Një grua nga kantoni i Bernës, e cila kishte hequr dorë nga përkatësia Kishës evangjeliste të reformuar, ishte ankuar kundër detyrimit për të paguar taksën kishtare. Ajo kishte kërkuar po ashtu që të mos i ndalohej pjesa që përmes taksës kantonale shkon në buxhetin për financimin e personelit kishtar.

Por, Gjyqi Federal në Lozanë ka marrë vendimin sipas të cilit edhe ata që nuk i takojnë asnjë religjioni, janë të detyruar të paguajnë taksat në fjalë. ky detyrim nuk bie në kundërshtim me lirinë e besimit.