Këshilli Federal: Berset para Maillard

Për kandidatin Alain Maillard gjasat për t’u zgjedhur Këshilltar federal mbeten të vogla

Lufta mes SP-PS dhe SVP-UDC e dëmton Alain Maillard. Kështu shkruan e përditshmja “Le Matin”.

Pesë ditë para zgjedhjeve të Këshillit federal, kandidati i SP-PS nga Friburgu, Alain Berset, konsiderohet favorit për shumicën e observatorëve si dhe të politikanëve, edhe pse P.-Y. Maillard nuk ka bërë asnjë gabim gjatë emisionit të famshëm televiziv Arena. Ky i fundit e ka mbrojtur energjikisht kandidaturën e tij, duke mos mohuar angazhimin e tij në të kaluarën kundër privatizimit të ndërmarrjeve publike.

Në debatin televiziv në fjalë Maillard ka vënë në shesh në vazhdimësi përvojën e tij qeverisëse, e cila është avantazh i tij ndaj Berset.

Javën që shkoi Alain Maillard u ka drejtuar një letër të tij motivuese 246 parlamentarëve ziceranë, për t’i bindur ata që të votojnë për të. Edhe pse kjo iniciativë e tij është vlerësuar të jetë origjinale, thuhet se kjo nuk mjafton, sepse thyerja e tij me Bernën ka zgjatur shumë dhe se pozicionimi i tij është tepër i majtë.

Veç kësaj, kundërshtari i Maillard, Alain Berset, është përgatitur shumë mirë për një kohë të gjatë dhe  ka mbajtur kontakte të mira me instancat federale.