Koncert humanitar për skamnorët në Kosovë

Më 17 dhjetor, në Romanshorn

Shoqëria kulturore-artistike “Dardania” nga Winterthuri njofton se ka vendosur të vazhdojë edhe më tutje grumbullimin e ndihmave humanitare për skamnorët në Kosovë e gjetiu, për ta zbutur sado pak varfërinë e skajshme.

Gjendja familjare në Kosovë, e cila po keqësohet edhe më tutje, nga papunësia dhe paaftësia e një pjese të madhe të invalidëve dhe jetimëve, apo edhe të sëmurëve, ka shtyrë që kryesia e kësaj shoqërie  të vazhdojë koncertet e radhës, të fundit për këtë vit.

Nga dy koncertet e para doli nevoja që të mbahet edhe koncerti i radhës, edhe atë më 17.12.2011, nga ora 19:00, në Hotel Bodan, Bahnhofstrasse 1, 8590 Romanshorn (TG).

Motoja e këtij koncerti është: “Shijoni kënaqësinë shpirtërore, ndihmoni familjet skamnore”, me çka kështu edhe do të vazhdohet në të ardhmen nëpër qytete të Zvicës, duke mbetur me shpresë se edhe të tjerët do t’i bashkangjiten këtij aksioni për grumbullimin e mjeteve materiale për skamnorët, ashtu si deri më tani. Edhe këtu ata shprehin konsiderata për bisneset që po japin kontrubutin e vet përmes iniciativës së tyre fisnike.

Vlen të theksohet se me gjithë obligimet dhe termineve të mëdha që ka dhe pati kjo shoqëri, me dy koncerte humanitare, tri dasmave, festa e flamurit, mandej koncerti me Ansamblin Kombëtar “SHOTA” e Kosovës, të cilat do të mbahën më 12 dhe 13 dhjetor 2011, në Winterthur dhe Zürich, fundvitin e sivjetëm po e përfundon me këtë koncert humanitar aq të rëndësishëm dhe aq të vendosur për ta përfunduar një kulm mbi kokë të atij fatlumi ose asaj fatlumeje.