Qeveria vitin tjetër emeton letra me vlerë

Qeveria vitin e ardhëshmë do të fillojë të emetojë letra me vlerë. Sipas zyrtarëve të saj janë bërë planet që t’i shesin për rreth 70 milionë euro.

Blerës me gjasë do të jetë Trusti i Kursimeve Pensionale të Kosovës, i cili i ka në mirëbesim mjetet e pensioneve të kosovarëve, shkruan e përditshmja Express.

Ky institucion me ligj është i obliguar t’i investojë mjetet që i janë besuar në instrumente të sigurta financiare.

Por, në Kosovë nuk është bërë ndonjëherë vlerësim nëse është vend i sigurt për investime, e as nuk është graduar nga ndonjë vlerësues kreditor.

Ministrinë e Financave, sipas kësaj gazete, ka thënë se edhe pa ndonjë gradim të agjencive ndërkombëtare të thirrura për vlerësim kreditor, nuk është problem të fillojë lëshimi i letrave me vlerë.