Zvicra, një vend perfekt për t’u pensionuar

Sistemi i pensioneve zvicerane është konsideruar një nga më të mirët në botë, me një strukturë që përbëhet nga tri shtylla, shtetërore, profesionale dhe kontributet private

Zvicra është në vendin e dytë si vendi më i mirë për të kaluar kohën pas pensionimit. Në vendin e parë është Norvegjia, shkruan “thelocal.ch”.

Kjo renditje është bërë nga Indeksi i “Natixis Global Asset Management CoreData Global Retirement”, që mat sigurinë e njerëzve pas daljes në pension, përcjell albinfo.ch. Në vendin e tretë është Islanda.

Sistemi i pensioneve zvicerane është konsideruar një nga më të mirët në botë, me një strukturë që përbëhet nga tri shtylla, shtetërore, profesionale dhe kontributet private.

Zvicra gjithmonë ndodhet në krye të renditjes, që kur ka filluar ky vlerësim, para pesë vjetësh.