Bie numri i komunave që festojnë 1 Gushtin

Të shumtët duan të festojnë në familje apo në pikniqe dhe po ashtu është bërë më e vështirë të gjenden njerëz vullnetarë për të ndihmuar në organizimin e  festës

KEYSTONE

A po vdes festa e 1 Gushtit? Bashkësia e Komunave të Zvicrës i ka shtruar vetes këtë pyetje dhe me të u është drejtuar të gjitha komunave. Përgjigjet që i ka marrë kanë dalë kundërthënëse, shkruan srf.ch.

Çdo e teta komunë heq dorë nga festimi zyrtar i 1 gushtit. Njëra ndër këto komuna është dhe ajo Hundwil, Kantoni Appenzell Auserhoden. Kryetarja e kësaj komune, Margrit Müller thotë për srf se “është ulur interesimi”. Të shumtët duan të festojnë në familje apo në pikniqe dhe po ashtu është bërë më e vështirë të gjenden njerëz vullnetarë për të ndihmuar në organizimin e  festës.

Komuna të tjera, duan të kursejnë, kështu që 1 Gushtin e festojnë vetëm një herë në dy vjet. Një numër tjetër komunash festimin e caktojnë për një natë para një gushtit, në mënyrë që të tërheqin sa më shumë njerëz në festë pasi që të nesërmen ata janë të lirë nga puna.