Mbytet nga rrufeja alpinistja në maje të malit Matterhorn

Sipas agjencisë italiane të lajmeve, Ansa, aksidenti ka ndodhur të dielën në mbrëmje, në kohën kur zona ishte kapluar nga stuhitë

Keystone

Një alpiniste nga SHBA është qëlluar nga rrufeja dhe ka vdekur në majën e Matterhorn-it, njërën ndër më të lartat në Zvicër. Shoqëruesi i saj i cili ishte në gjendje kritike, është transportuar në një spital zviceran.

Sipas agjencisë italiane të lajmeve, Ansa, aksidenti ka ndodhur të dielën në mbrëmje, në kohën kur zona ishte kapluar nga stuhitë.

Moti i keq ka bërë po ashtu që shpëtimtarët të arrinin me shumë vonesë në vendin e ngjarjes, në natën në mes ditës së të diele dhe të hënë, transmeton albinfo.ch. Të dy ishin rrëzuar për disa metra nga muri verior i majës, por, duke ngaqë kanë qenë të lidhur me litarë, qëndronin varur, shkruan Ansa. Burri, i lënduar rëndë kishte kërkuar ndihmë përmes telefonit mirëpo pas kësaj nuk u ishte përgjigjur më telefonatave.

Krahas një vajze e cila ka humbur jetën mbrëmë në një tendë, e goditur nga druri i rrëzuar nga stuhia, rasti i alpinistes është i dyti rast që ka përfunduar me fatalitet, që ka ardhur si pasojë e motit të lig.