5 ministra i drejtohen popullit për nder të 1 Gushtit

Me një formë të veçantë të fjalimit të 1 Gushtit është dalluar ministri i ekonomisë, Johann Schneider-Ammann. Ai, në fjalimin  e tij të mbajtur në Eschenz (Thurgau) i është drejtuar me një email fiktiv Vilhelm Telit

Keystone

Në mbrëmjen para 1 Gushtit, festës nacionale të Zvicrës, pesë nga shtatë krerët e Këshillit Federal i janë drejtuar popullit me fjalimet e tyre festive.

Presidentja e federatës, Doris Leuthard ka mbajtur fjalën e saj në Lucern, ku është shprehur lidhur me çështjen e BE-së. Ministri i financave, Ueli Maurer në fjalën e tij të mbajtur në Gluringen (Valis) është marrë po ashtu me BE-në dhe ka kritikuar marrëveshjet ndërkombëtare.

Ndërkaq, me një formë të veçantë të fjalimit të 1 Gushtit është dalluar ministri i ekonomisë, Johann Schneider-Ammann. Ai, në fjalimin  e tij të mbajtur në Eschenz (Thurgau) i është drejtuar me një email fiktiv Vilhelm Telit.

Ministrja e Drejtësisë dhe Policisë, Simonetta Sommaruga është paraqitur me fjalimin e saj më Val-de-Travers (Neuchatel), ndërsa ministri i brendshëm dhe i kulturës, Alain Berset ka folur në Julierpass (Graubünden) në kuadrin e festivalit kulturor në Origen.