Vala: Zbritje tarifash për festat e fundvitit

Thirrjet telefonike nga Kosova me bashkatdhetarët në Zvicër, Gjermani dhe Austri, do të kenë zbritje për 50 për qind

Thirrjet në këto destinacione do të tarifohen 30 cent për minutë.  Një zbritje e tillë vjen nga Operatori publik mobil Vala, i cili ka lansuar disa nga shërbimet dhe produktet për të gjithë konsumatorët gjatë festave të fundvitit.

Të gjithë konsumatorët me kontratë dhe parapagim të operatorit Vala, mund të realizojnë thirrje telefonike (për minutë) dhe të dërgojnë SMS, brenda VALA-s gjatë vikendeve me çmim atraktiv prej vetëm 3 cent. Kjo pako do te jetë e vlefshme vetëm gjatë vikendeve dhe festave zyrtare.

 “VALA gjithashtu hedh në treg edhe disa oferta të tjera, për të gjithë konsumatorët e vet që përdorin shërbimin e internetit në telefonat e tyre mobilë. Tarifa mujore për shërbimin e internetit për klientët me kontratë dhe me parapagim do të jetë 50 për qind më lirë dhe do të kushtojë vetëm 5 Euro në muaj”, ka thënë drejtori i Departamentit për Komunikim të PTK-së, Menduh Abazi.