Ekonomia e Shqipërisë vlerësohet si më e qëndrueshmja në rajon

Fondi Monetar dhe agjencitë e njohura dhe Moody’s dhe Standard and Poor’s, e vlerësuan eknominë shqiptare si më të qendrueshme në rajon.

Ministri i financave i Shqipërisë, Ridvan Bode, ka thënë se ky vleresim ka ardhur për shkak të politikave fiskale elastike, që shmangen pasojat e krizës.

FMN-ja ka thënë se Shqipëria e përballoi krizën falë politikave fiskale, investimeve të huaja dhe privatizimit të ndërmarrjeve të mëdha.

“Ekonomia shqiptare u shfaq këtë vit me një perspektivë më të mirë afatmesme në tregjet rajonale dhe ato globale. Këto agjenci e vlerësuan ekonominë shqiptare për qëndrueshmëri pozitive, kur gjithë vendet e tjera në rajon u vlerësuan për rënie apo qëndrueshmëri negative”, ka deklaruar Bode, raportojnë mediat shqiptare.

Sipas këtyre mediave, Bode ka deklaruar se Moody’s dhe Standard and Poor’s vlerësuan potencialin e ekonomisë shqiptare për një rritje të qëndrueshme dhe më të lartë në vitet e ardhme, për konsolidimin e vazhdueshëm fiskal dhe uljen e deficitit vjetor.

Këto dy agjenci. Sipas tij vlerësojnë qëndrueshmërinë e sektorit bankar, si një sektor likuid, i mirëkapitalizuar, dhe me rritje të vazhdueshme të depozitave gjatë 2011.

Fondi Monetar Ndërkombëtar publikoi disa ditë më parë një tjetër vlerësim për ekonominë e 6 vendeve në rajonin e Ballkanit, ku Shqipëria shfaqej në pozitat më të mira se sa fqinjët.

Politikat fiskale të Shqipërisë u vlerësuan si më të kujdesshmet nga të tjerët gjatë periudhës së krizës. Qëndrueshmëria makroekonomike e Shqipërisë vlerësohet si më e mira në rajon për shkak të tre faktorëve: reforma tatimore – që ishin nxitëse për ekonominë; zhvillimet e qëndrueshme në tregun financiar.