AKB: Duhet shumë punë për tërheqjen e investimeve

Vitin 2012, Aleanca Kosovare e Biznesit e sheh si një vit mjaft të vështirë ekonomik për Kosovën

Përfaqësues të Aleancës Kosovare të Biznesit, kanë theksuar se ekonomia e vendit në këtë vit ka kaluar në sfida të mëdha. Kosova, sipas tyre ishte kritikuar shumë në raportet e mekanizmave ndërkombëtarë, për bërje të biznesit. “Vlen të theksohet raporti i Bankës Botërore ‘Të bësh biznes’, ku Kosova renditet jo në një pozicion të mirë, e po ashtu edhe Raporti i Progresit”, ka thënë Kryetari i Aleancës Kosovare të Biznesit Agim Shahini. Shahini ka deklaruar se institucioneve të Kosovës i mbetet mjaft punë për të bërë, si reforma në sistemin ekonomik dhe atë gjyqësor, që Kosova të tërheqë më shumë investime. Duke koomentuar angazhimet e AKB-së, Shahini ka thënë se kjo organizatë gjatë vitit 2011 ka arritur të promovojë vlerat ekonomike të Kosovës në vendet e rajonit. Si rrjedhojë e kësaj, ai tha se kanë arritur ta ngritin eksportin në rreth 2. 5 milionë euro.

Si të arritur tjetër të AKB-së, Shahini e ka theksuar edhe punësimin e 1100 qytetarëve. Në vitin 2012 Aleanca Kosovare e Biznesit e sheh si një vit mjaft të vështirë ekonomik.