Lëshohet në liri edhe pse ka bërë abuzim seksual mbi 6 fëmijë

Para keqtrajtimit të fundit seksual, të vajzës 8 vjeçare, në vitin 2006, ai kishte kryer tashmë të njëjtën gjë edhe me pesë fëmijë tjerë

Një person i moshës 63 vjeçare nga Kantoni i Solothurnit, i gjykuar për abuzim të gjashtëfishtë seksual me fëmijë, njëherë për njëherë do të mbetet i lirë. Siç shkruan gazeta “SonntagsZeitung”, ka hequr dorë  shqyrtimet në lidhje me masën e kujdestarisë që i duhej shqiptuar atij.

Personi në fjalë, së fundi në vitin 2006 kishte abuzuar seksualisht një vajzë atëbotë 8 vjeçare, transmeton albinfo.ch. Procesi duhej të zhvillohej javën që vjen, në Gjykatën Olten Gösgen.

Prokuroria Publike, nga fundi i qershorit kishte bërë kërkesën që procedura për masën ndëshkuese të kujdestarisë të pezullohej për një vit. Sipas saj, i gjykuari nuk ishte “pedofil tipik” i cili pas lirimit nga burgu do të bëhej recidivist.

Nga ana tjetër, para keqtrajtimit seksual të vajzës 8 vjeçare, ai kishte kryer tashmë të njëjtën gjë edhe me pesë fëmijë tjerë.

Personi në fjalë qe liruar nga burgu vitin e kaluar, si rezultat i një gabimi që kishin bërë autoritetet kompetente.