Arratiset nga burgu kosovari i dënuar për vrasje

Një kosovar, 35-vjeçar, ka arritur të ikë nga burgu i Friburgut gjatë natës mes së premtes dhe të shtunës

Natën mes të premtes dhe të shtunës një i burgosur u arratis nga Burgu qendror i Friburgut. Ai është një nga autorët e vrasjes së Frasses. Hetimet dhe hulumtimet e ndërmarra nuk kanë bërë të mundur ende arrestimin e tij, është thënë të martën në një deklaratë të policisë kantonale të Fribourgut.

Të shtunën stafi i Burgut qendror në Freiburg alarmoi policinë kantonale për arratisjen e një të burgosuri. I arratisuri kishte gjetur mjetet për të ikur nga qelia, në të cilën ishte vetëm, mes orës dy dhe tre të mëngjesit, pa dijeninë e personelit mbikëqyrës.

Pavarësisht hulumtimeve, nuk ka qenë e mundur të gjenden individi. Ky i fundit nuk është tjetër përveç një prej autorëve të vrasjes së Frasses, i ashtuquajtur Bashkim L., 35 vjeç, me origjinë kosovare. Bëhet fjalë për një rast kur viktima, me origjinë nga Kosova, ishte qëlluar me vdekje në maj 2013 me 15 plumba, në prani të familjes së tij.

Prokurori i Përgjithshëm ka hapur një hetim për të përcaktuar rrethanat e sakta të arratisjes së tij dhe mjetet që ai kishte përdorur për të arritur qëllimin e tij. Është shumë e mundshme që të ketë marrë ndihmë të jashtme.

Hetime kombëtare dhe ndërkombëtare

Fotografia dhe raporti i personit në fjalë janë shpërndarë në nivel kombëtar dhe ndërkombëtar. Bashkim L. konsiderohet individ i rrezikshëm. Ai tashmë ndoshta është larguar nga territori zviceran.

Bëhet pra fjalë për një mashkull, 35 vjet, 177 cm, trup mesatar, sy ngjyrë kafeje, flokë të zeza e të shkurtra, mjekër të gjatë të zezë, flet gjermanisht, shqip dhe me theks të fortë në frëngjisht. Në momentin kur ka ikur kishte veshur pantallona trajnimi dhe një triko të zezë. Kushdo që mund të japë informacion, kërkohet të kontaktojë policinë në numrin e urgjencës 117 ose të raportojë në stacionin më të afërt të policisë.