Austriaku dhuron donacione për zjarrfikësit nga Suhareka

Ai ka sjellë pajisje për nevojat e brigadës së zjarrfikëseve në Suharekë

Në Kosovë nuk dhurojnë donacione vetëm diaspora shqiptare, por edhe të huajt. Kështu ndodhi edhe së fundi.

“Mag. Alfred Hold nga Austria, solli pajisje për nevojat e brigadës së zjarrfikëseve në Suharekë. Donacioni përmbante, gërshërë hidraulike me pjesë përcjellëse, uniforma për zjarrfikës, helmeta etj”, thuhet në faqen e Komunës në rrjetet sociale, përcjell albinfo.ch.

Gjatë pranim dorëzimit prezent ishte nënkryetari i Komunës së Suharekës, Rexhep Kuçi, drejtori i shërbimeve publike, Nexhat Ramadani dhe shefi i njësisë së zjarrfikëseve, Vehbi Krasniqi.

Këta të fundit falënderuan donatorin për donacionet, me ç’rast nënkryetari ndahu edhe një mirënjohje.