Borë në Zvicër në stinën e verës

Në disa lugina të Graubündenit kufiri i reshjes së borës ka zbritur në rreth 1000 metra lartësi mbidetare. Kjo ka pasur për pasojë mbulimin me borë të rrugëve dhe qafave të maleve

Keystone

Një rrymë e ftohtë ajri ka ulur ndjeshëm temperaturat në Zvicër gjatë fundjavës që shkoi. Ndonëse me kalendar ende jemi në stinën e verës, në lartësira ka pasur edhe reshje bore. Në zonën në jug të Alpeve janë shënuar reshje shumë të fuqishme shiu. Të dielën ato kanë pushuar por kjo pauzë pritet të mos zgjasë shumë, shkruan meteonews.

Në San Bernardino (Graubünden) nga e shtuna për 36 orë ka pasur reshje shiu prej 138 litrash në një metër katror, transmetpn albinfo.ch. Në Robiei të po këtij kantoni, aknë qenë 128 litra. Po ashtu edhe në Kantonin e Tiçinos janë regjistruar reshje të fuqishme të shiut. Në Monte Generoso janë janë regjistruar 123 litra në një metër katror ndërsa në Locarno-Monti, 118.

Reshjet e fuqishme kanë bërë që të ulet kufiri i reshjes së borës. Kështu, në disa lugina të Graubündenit ai kufi ka rënë në rreth 1000 metra lartësi mbidetare. Kjo ka pasur për pasojë mbulimin me borë të rrugëve dhe qafave të maleve. Por, të dielën reshjet kanë pushuar gradualisht. Era që ka fryer drejt perëndimit ka sjellë ajër më të thatë në Zvicër, bën të ditur MeteoSchweiz.