Stazhi i punës Zvicër, më i gjatë se në të gjitha vendet e BE-së

Ndërsa, jashtë BE-së, me 47,4-vjet janë vetëm islandezët në gjithë Evropën që punojnë më gjatë se zviceranët

Në Zvicër, një jetë normale pune zgjat më shumë se në të gjitha vendet e BE-së. 42.4 vjet, gati shtatë vjet mbi mesataren e BE-së, siç tregojnë të dhënat e Eurostat për 2016.

Ndërsa me 47,4-vjet janë vetëm islandezët në gjithë Evropën që punojnë më gjatë se zviceranët.

Qytetarët e vendeve të BE-së mesatarisht punojnë 35.6 vjet, që është 1.8 vjet më shumë se në vitin 2006. Sipas të dhënave të Eurostat, kohëzgjatja e stazhit të punës është rritur ndjeshëm te gratë – mesatarisht për 2,5 vjet dhe te burrat për 1,1 vit.

Për gratë në vitin 2016 kohëzgjatja mesatare e stazhit të punës ishte 33.1 vjet, krahasuar me 30.6 vjet më 2006, shkruan albinfo.ch. Për burrat kohëzgjatja e pritshme e stazhit vitin e kaluar ishte 38 vjet, krahasuar me 36.9 vjet më 2006. Treguesi i kohëzgjatjes nënkupton një numër vitesh, në të cilat një person prej 15 vjetësh mund të presë që të jetë aktiv në tregun e punës, të punësuar ose të papunë, gjatë gjithë jetës, sipas Eurostat. Ndër vendet anëtare të BE-së, suedezët kishin gjatësinë mesatare të stazhit të pritur – 41.2 vjet, e ndjekur nga danezët dhe holandezët me një gjatësi mesatare prej 40.3 vjetësh dhe 40 vjetësh.

Në Mbretërinë e Bashkuar kohëzgjatja mesatare ishte 38.8 vjet, në Gjermani 38.1, në Estoni 37.8, dhe në Finlandë 37.7 vjet. Në fund të listës është Italia me një gjatësi të pritshme mesatare prej 31.2 vjetësh.

Ndër vendet me kohëzgjatje mesatare të shërbimit më të shkurtër se 33 vjet janë: Bullgaria – 31,7 vjet, Kroacia – 32,1 vjet, Rumania – 32,4 vjet, Greqia – 32,5 vjet, Belgjika – 32,6 vjet, Luksemburgu dhe Polonia – 32,9 vjet.

Në të gjitha shtetet anëtare të BE-së, me përjashtim të Letonisë dhe Lituanisë, në vitin 2016 pritej që kohëzgjatja e stazhit të jetë më e gjatë për burrat se sa për gratë.  Rritja e përgjithshme e gjatësisë së stazhit mes shteteve anëtare është kryesisht arsyeja për një ndryshim në kohëzgjatjen e stazhit për gratë, sipas raportit të Eurostat. http://ec.europa.eu/eurostat/de/web/products-eurostat-news/-/DDN-20170920-1?inheritRedirect=true&redirect=%2Feurostat%2Fde%2Fnews%2Fwhats-new