SVP/UDC, me iniciativë kundër Marrëveshjes për lëvizje të lirë me BE-në

Sipas iniciuesve, Zvicra duhet të rregullojë vetë dhe në mënyrë të pavarur nga të tjerët problemin e migracionit

SVP/UDC planifikon lansimin e një iniciative të re kundër lëvizjes së lirë në raport me Bashkimin Evropian. Lajmin për këtë e kanë dhënë gazetat “SonntagsZeitung” dhe Le Matin Dimanche” në botimet e tyre të sotme, dhe e ka konfirmuar pastaj edhe për mediat tjera sekretari i përgjithshëm i kësaj partie, Gabriel Lüchinger.

“Iniciativa ekufizimit”, siç do të quhet, parasheh të anulojë marrëveshjen për lëvizje të lirë që Zvicra e ka të nënshkruar me BE-në. Sipas iniciuesve, Zvicra duhet të rregullojë vetë dhe në mënyrë të pavarur nga të tjerët problemin e migracionit. Dhe, në të ardhmen nuk bën të lidhen marrëveshje nga fusha e të drejtës ndërkombëtare të cilat u ofrojnë shtetasve të vendeve të huajaliri të lëvizjes.  

SVP/UDC pret që në dhjetorin e këtij viti të marrë dritën e gjelbër nga zyra kompetente, gjegjësisht Kancelaria Federale për këtë iniciativë. Pas kësaj, partia në fjalë planifikon të fillojë me mbledhjen e nënshkrimeve për ta hedhur iniciativën në votim.