Shumë kosovarë duan të përjetojnë ‘ëndrrën amerikane’

“E shohin në filma Amerikën dhe për këtë ndoshta duan të vizitojnë”, tha Brian Corteville shef i Seksionit Konsullor në Ambasadën Amerikane në Prishtinë

Ambasada e Shteteve të Bashkuara të Amerikës në Prishtinë nga Tetori 2017, do të fillojë procedimin për Vizat e Shumëllojshmërisë për banorët e Kosovës për programin 2018.

Brian Corteville shef i Seksionit Konsullor në Ambasadën Amerikane në Prishtinë është shprehur se ka lloje të vizave që lëshohen në Ambasadën e Shteteve të Bashkuara të Amerikës. “Kur të përfundon ndërtimi i Ambasadës në vitin 2018 do të lëshohen të gjitha shërbimet për vizat”, është shprehur ai në televizionin publik të Kosovës.

Corteville foli edhe për vizat që lëshojnë për të moshuarit dhe kjo sipas tij është një mundësi shumë e mirë që të moshuarit nuk do të udhëtojnë për vizat në Shkup.

Ai bëri me dije se për vizat turistike ende duhet të shkohet në Shkup. Sipas tij ka shumë kosovarë që duan ta vizitojnë Amerikën. “E shohin në filma Amerikën dhe për këtë ndoshta duan të vizitojnë”, tha ai, përcjell albinfo.ch.

Corteville ka folur edhe për vizat emigruese. “Zakonisht ka mashtrime duke u dërguar e-maili të ndryshme se gjoja kanë fituar. Departamenti i shtetit nuk u dërgon asnjë e-mail nëse kanë fituar dhe nuk duhet të u dërgohen askujt para”. Ai tha se 100 kosovarë emigrojnë në SHBA për çdo vit.

https://web.facebook.com/rtklivecom/videos/10155437376518859/