Parlamenti zbut rregullat për funksionimin e kazinove

Lojërat online me para si Pokeri dhe Ruleti janë lejuar rishtas, por vetëm për rastet kur kazinotë e kanë selinë e tyre në Zvicër

Në të ardhmen, kazinotë e Zvicrës do të kenë të drejtë të ofrojnë lojëra me fitim parash edhe përmes internetit. Po ashtu, ata që nxjerrin leje, do të kenë të drejtë të organizojnë turnire të vogla të pokerit (lojë bixhozi,  me letra).

Këto vendime, në kuadrin e rishikimit të Ligjit mbo lojërat e fatit, i kanë miratuar të mërkurën me shumicë votash Dhoma Nacionale dhe ajo e Kantoneve,  në Parlamentin e Zvicrës.

Për lojërat në kazino dhe në lotari edhe më tutje nevojitet marrja e lejes. Lojërat online me para si Pokeri dhe Ruleti janë lejuar rishtas, por vetëm për rastet kur kazinotë e kanë selinë e tyre në Zvicër.

Por ndërkaq të rinjtë e FDP-së dhe të rinjtë e  Partisë së Gjelbër kanë paralajmëruar një referendum kundër kufizimeve të përmendura që vlejnë për ndërmarrësit e huaj, jo zviceranë.