Sigurimi shëndetësor shtrenjtohet për 4%, alarmohen konsumatorët

Fondacioni që merret me mbrojtjen e kosnumatorëve i ka drejtuar kritika të ashpra vendimit për shtrenjtimin e sërishëm të premive të sigurimit shendetësor

Ministri i Shëndetësisë, Alain Berset ka bërë të ditur pasditen e sotme se premitë e sigurimit shëndetësor për vitin e ardhshëm do të shtrenjtohen mesatarisht për 4 për Qind, shkruan sda.ch. Rritja e çmimit është llogaritur mbi preminë standarde, gjegjësisht duke iu referuar sigurimit të një personi të moshës madhore, me françisë prej 300 frangash dhe me sigurim nga aksidentet.

Çmimet e premive nuk rriten njësoj në të gjithë kantonet, transmeton albinfo.ch. Ngritjen më të vogël, 1.9% do ta kenë ato në Appenzell Innerhoden, Glarus dhe Nidwalden.

Fondacioni që merret me mbrojtjen e kosnumatorëve i ka drejtuar kritika të ashpra vendimit për shtrenjtimin e sërishëm të premive të sigurimit shendetësor. Ky shtrenjtim është paralajmëruar të ndodhë në vitin 2018, pas shtrenjtimit që premitë kishin pasur edhe në vitin 2017, shrkuan srf.ch.

Zyra Federale e Shëndetësisë (BAG) e ushtron në mënyrë të pamjaftueshme detyrimin që ka për të ulur koston e shëndetësisë, ka shkruar fondacioni në fjalë në një komunikatë. Sipas tij, janë destimulimi, sigurimi i tepruar dhe cilësia e mangët e menaxhimit janë ato që i kanë ngritur çmimet e shërbimeve shëndetësore, përcjell albinfo.ch. Dhe, në vend se të emërtojë këto probleme me emrin që kanë, shteti po e bën fajtor për shtrenjtimin e kostos plakjen e shoqërisë dhe përparimin e mjekësisë.