Shkollat profesionale në Kosovë sipas modelit zviceran

Kosova duhet t’i jap më shumë mundësi dhe përkrahje zhvillimit të shkollave profesionale, pasi ato hapin mundësi më të madhe punësimi për të rinjtë.

Konsull i Kosovës në Gjenevë, Ramadan Avdiu është shprehur në televizionin publik të Kosovës se kanë marrë një iniciativë për aplikimin e Shkollave Profesionale në Kosovë, që do të jenë model nga Zvicra.

“Zvicra ka shumë sukses në këtë drejtim. Ajo është  e njohur në botë për shkolla profesionale. Ka pasur përkrahje që ne të ndërtojmë një qendër në Kosovë për automekanik. Kësaj ideje ne do të i japim formë. Për këtë kemi ardhur në Kosovë që të ecim me tutje”, është shprehur Avdiu, përcjell albinfo.ch.

Sipas tij ka shumë bashkatdhetarë në Zvicër që po zhvillojnë këtë aktivitet.

Stefan Sarkany, kryetar i Odës Ekonomike Zvicerano-Kosovare, ka deklaruar se Kosova ka nevojë për arsim profesional.

“Ne mundësojmë lidhje në mes shoqatave ndërmjet dy vendeve, e në këtë rast me Unionin Zviceran të Automobilave”, ka nënvizuar Sarkany.