Kandidatët që nuk morën as 100 vota

Kandidati i pavarur për Fushë Kosovë, Ylber Islami ka marrë vetëm 39 vota në këto zgjedhje

Në Zgjedhjet Lokale në Kosovë të zhvilluara pati shumë befasi, ku shumë komuna shkuan në balotazh. Shumë u gëzuan e shumë u dëshpëruan.

Por, pati edhe kandidatë për kryetarë të komunave që nuk fituan as 100 vota, raporton “Klan Kosova”. Njëri ndër ta ishte Shkodran Imeraj, kandidat i Nisma për Kosovën në Deçan, i cili mori vetëm 94 vota apo as 1% në përgjithësi në komunën e tij.

Kandidati i pavarur për Fushë Kosovë, Ylber Islami ka marrë vetëm 39 vota në këto zgjedhje, përcjell albinfo.ch.

Më mirë nuk ishte as Riza Kruezi i Mamushës, me vetëm 58 vota.

Pati edhe të tjerë me numër të ulët të votave që nuk ia dolën të marrin as 1%-shin.

Naser Shabani, kandidat i PDK-së në Kollokot mori vetëm 57 vota në komunën e tij, kurse Seljadin Bytyqi kandidat për Malishevë mori vetëm 74.