Nëna në Gjilan vret foshnjën e posalindur

Policia e Kosovës njofton se një grua në Gjilan dyshohet se e ka vrarë foshnjën e saj dhe më pas dyshohet se e ka futur në një qese.

Policia thotë se gruaja e dyshuar foshnjën e ka lindur në shtëpinë e saj, ndërsa rasti është zbuluar kur ajo kishte kërkuar ndihmë mjekësore e më pas është arrestuar.

“Me vendim të prokurorit, trupi i pajetë i foshnjës është dërguar në Institutin e Mjekësisë Ligjore për obduksion, ndërsa e dyshuara është në tretman mjekësor dhe me vendim të prokurorit i është caktuar masa e ndalimit”, thuhet në njoftimin e policisë.