Burrë e grua humbin jetën në një aksident

Burri ka vdekur në vendin e aksidentit ndërsa gruaja, gjatë transportimit me helikopter të Rega-s për në spital

Në një aksident komunikacioni që ka ndodhur sot në La Chaux-du-Milieu të Kantonit Neuchatel (Neuenburg) kanë humbur jetën burrë e grua. Gruaja, e cila po mbante timonin, për shkaqe që nuk dihen, e ka humbur kontrollin mbi makinën në një kthesë të rrugës.

Për pasojë, makina është rrotulluar dhe në fund është përplasur në një mur guri, njofton Policia Kantonale.

Nga kjo përplasje janë lënduar rëndë të dy. Burri ka vdekur në vendin e aksidentit ndërsa gruaja, gjatë transportimit me helikopter të Rega-s për në spital. Çifti kishte jetuar në La Brevine.