Nesër bëhet numërimi i votave me kusht për Prishtinën e Prizrenin

Deputeti i Lëvizjes Vetëvendosjes, Dardan Molliqaj, ka thënë se Vetëvendosje po e fiton e kundërshtarët e tyre po dështojnë

Gjykata Kushtetuese ka rrëzuar vendimin e Panelit Zgjedhor për Ankesa dhe Parashtresa për rinumërim të votave në Prishtinë.

Komisioni Qendror i Zgjedhjeve pas vendimit të Gjykatës Supreme ka marrë vendim që nesër në orën 10:00 të fillohet me numrimin e votave me kusht për Prishtinën e Prizrenin, ka njoftuar deputeti i Vetëvendosjes, Xhelal Sveçla, në llogarinë e tij në Facebook, transmeton albinfo.ch.

“Nesër në ora 10:00 fillon numërimi. Nesër mbrëma festa në Prishtinë e Prizren”, ka shkruar Sveçla. Ndërsa Deputeti i Lëvizjes Vetëvendosjes, Dardan Molliqaj, ka thënë se Vetëvendosje po e fiton e kundërshtarët e tyre po dështojnë.

“Tentuan ta ndryshojnë rezultatin e zgjedhjeve në Prishtinë dhe Prizren përmes Pronto gjyqtarit Hasan Shala. Gjykata Supreme ua hodhi poshtë vendimin. Ata dështuan, ne fituam”, ka shkruar Molliqaj në Facebook.