Edhe Haskuka i Vetëvendosjes fiton në Prizren

Fitorja në Prizren i takon Mytaher Haskukës të LVV-së pasi printe për 329 vota më shumë sesa Totaj nga rezultati preliminar i KQZ-së

Mytaher Haskuka nga Lëvizja Vetëvendosje pavarësisht se ka marrë më pak vota me kusht dhe me postë,  ka arritur ta mbajë fitoren në Prizren duke e kaluar kandidatin e PDK-së, Shaqir Totaj për 329 vota. Në numërimin e votave me kusht e me postë, Haskuka ka marrë 385 vota ndërsa Shaqir Totaj nga PDK ka marrë 452 vota.

Pra Totaj ka marrë 67 vota më shumë nga numërimi i votave me kusht dhe me postë. Ndërsa fitorja i takon Mytaher Haskukës pasi printe për 329 vota më shumë sesa Totaj nga rezultati preliminar i KQZ-së në Prizren.

Haskuka ka mbajtur pozitën e deputetit në dy mandatet e fundit në Parlamentin e Kosovës, ndërsa pas dy mandateve e ka marrë qeverisjen e Prizrenit, të cilën nga viti 2007 e mbante PDK.