Sulmohen me bomba shtëpitë e dy pjesëtarëve të FSK-së

Nëpërmjet një reagimi, Haradinaj ka kërkuar nga organet e rendit që sa më shpejt të kapin dhe të sjellin përpara drejtësisë autorët e sulmit

Dy mjete shpërthyese janë hedhur mbi dy shtëpi të pjesëtarëve të Forcës së Sigurisë së Kosovës (FSK) në rajonin e Zubin Potokut, komunë e banuar me serbë lokalë. Këta dy pjesëtar janë nga komuniteti serb, i cili po e konteston forcimin dhe transformimin e FSK-së në Ushtri të Kosovës. Pas sulmit vjen menjëherë reagimi i kryeministrit të Republikës së Kosovës, Ramush Haradinaj.

Ky i fundit e dënon sulmin me mjete shpërthyese mbi shtëpitë e dy pjesëtarëve të Forcave të Sigurisë së Kosovës, të komunitetit serb, duke thekuar e “sulmi me mjete shpërthyese është akt i papranueshëm që cenon jetë njerëzish dhe synon të pengoj përpjekjet për ndërtimin e një shoqërie demokratike e gjithëpërfshirëse dhe të mbajë në tension qytetarët e vendit”.

Nëpërmjet një reagimi, Haradinaj ka kërkuar nga organet e rendit që sa më shpejt të kapin dhe të sjellin përpara drejtësisë autorët e sulmit, ndërkohë që iu bën thirrje edhe qytetarëve të ndihmojnë autoritetet në zbardhjen e këtij akti kriminal.