Nënshkruhen 12 marrëveshjet mes Shqipërisë dhe Kosovës

Mbledhja e dy qeverive, Kosovës dhe Shqipërisë, ka rezultuar me nënshkrimin e 12 marrëveshjeve të bashkëpunimit në fusha të ndryshme.

Pas përfundimit të mbledhjes së dy qeverive, kryeministrat Ramush Haradinaj i Kosovës dhe homologu i tij nga Shqipëria, Edi Rama kanë nënshkruar marrëveshjet dhe më pas përfaqësuesit e ministrive përkatëse për fusha të ndryshme, përcjell albinfo.ch.

Marrëveshjet që janë nënshkruar nga dy qeveritë shqiptare janë:

Marrëveshje në fushën e arsimit, në shkëmbimin e përvojave dhe përmirësimin e politikave, marrëveshje në fushën e jashtme, pastaj për vërtetimin e periudhave të sigurimit dhe të drejtës për pension.

Më pas është nënshkruar marrëveshje bashkëpunimi sa i përket kulturës. Marrëveshja për zhvillim ekonomik në fushën e bujqësisë për njohjen bilaterale të certifikatave veterinare dhe produkteve me origjinë shtazore dhe jo shtazore, pastaj memorandum bashkëpunimi në fushën e mbrojtjes së mjedisit dhe e fundit në fushën e energjisë.