Orari i meshëve për besimtarët e krishterë shqiptarë në Zvicër

Tri misione katolike në Zvicër janë në shërbim të besimtarëve të krishterë shqiptarë për Pashkët, misioni në Lucern, Argau dhe në Turgau.

Në Argau orari i meshëve është parlajmëruar si në vijim: Të premten do të organizohet një meshë në Einsiedeln, prej orës 12:30 nga Don Mikel Sopi. Më 8 prill, të dielën, do të organizohet një meshë nga ora 13:30 në Arau.

Të njëjtën ditë në Bernë do të mbahet një meshë tjetër në orën 17:00. Në Arau, të marten, më 10 prill, besimtarët mund t’i kryejnë ritet fetare edhe në një meshë që do të mbahet në orët e pasditës nga Don Mikel Sopi.

Misioni katolik në Turgau me meshtarin Don Albert Demaj do të mbajë meshë në gjuhën shqipe për besimtarët e krishterë shqiptarë në Zvicër në St.Galen, të dielën, më 8 prill, nga ora 9:30, për të vazhduar në njëjtën ditë në Frauenfeld në orën 13:00 dhe në Uznach në orën 17:00.

Misioni katolik në Lucern do të mbajë meshë më 8 prill, në orën 13:00 në Emmenbrücke, ndërsa në Willisau, në orën 17:00. Më 15 prill në Sursee do të mbahet meshë në gjuhën shqipe nga ora 13.30, ndërsa më 22 prill në Luzern në orën 13:00 dhe Giornico në Tesinë në orën 17:00, për të përmbyllur meshët më 29 prill në Einsiedeln, në orë 12:30.

Festa e Pashkëve është kremtimi më i madh i kalendarit liturgjik.

Ceremonitë e kësaj dite të rëndësishme të besimit të krishterë që kulmon me një seri ritesh dhe ceremonish fetare që nga Kreshma, e më pas e Premtja e Zezë dhe Dita e Ringjalljes.

Sipas kalendarit fetar, Pashkët kremtohen të dielën e parë pas fillimit të pranverës, apo të dielën e parë pas hënës së parë të plotë të muajit, që zakonisht kremtohen brenda 22 marsit dhe 25 prillit.

Festa e Pashkëve simbolizon ringjalljen e Krishtit, pas kryqëzimit të tij dhe është festa me e shenjtë për besimtarët e krishterë.

Sipas interpretimit biblik, me ringjalljen e Krishtit ndodh kalimi nga vdekja në jetë, nga e Premtja e Madhe kur vdes Jezu Krishti pas shumë mundimeve dhe gozhdohet në kryq, në të Dielën e Pashkëve kur ringjallet.

Festa e Pashkëve shënohet nga besimtarët katolikë, protestantë dhe ata ortodoksë në gjithë botën.

Për më shumë informacione mund ta vizitoni faqen zyrtare të misionit katolik shqiptar në Zvicër: http://www.misioni.ch/