Sa i kushtojnë zëvendësministrat Kosovës

Një zëvendësministër kushton për një muaj 2,710 euro dhe një vit 32,520 euro. Ndërsa, 67 zëvendësministrat buxhetit i kushtojnë 2,178,840 euro

Qeveria Haradinaj po karakterizohet për numrin e madh të zëvendësministrave. Deri më tani janë emëruar 67 zëvendësministra.

Zëvendësministri ka rrogë prej 1,200 euro dhe mund të ketë një asistent me 419 euro rrogë e një shofer me 441 euro rrogë, raporton “Evropa e Lirë”.

Një zëvendësministër mund të flas me telefon në shumën deri 150 euro dhe atë tokësor deri në 100 euro, përcjell albinfo.ch.

Deri në 200 euro mund të shpenzojnë për shpenzime dhe pije. S’ka limit për karburante, megjithatë mesatarja është 200 euro në muaj.

Një zëvendësministër kushton për një muaj 2,710 euro dhe një vit 32,520 euro. Ndërsa, 67 zëvendësministrat buxhetit i kushtojnë 2,178,840 euro.

Por, nuk përfundon këtu asgjë, sepse zëvendësministri posa merr postin mund të kenë telefon të vlerës deri 800 euro, 3,000 euro për udhëtime dhe të drejtën për 70 për qind të pagës gjashtë muaj pasi largohet nga puna.