Arrestohet zvicerani me armë, municion dhe 1.3 milionë franga

Policia kapi 280 armë, mbi 100,000 municione dhe 1.3 milionë franga në para të gatshme, tha policia e St Gallen në një njoftim për shtyp

Një shtetas zviceran, 61-vjeçar, i dyshuar për shitjen e armëve ilegale në Austri, është arrestuar nga policia e St. Gallenit, shkruajnë mediat vendase.

Gjatë një hetimi të një prone në Degersheim, javën e kaluar policia kapi 280 armë, mbi 100,000 municione dhe 1.3 milionë franga në para të gatshme, tha policia e St Gallen në një njoftim për shtyp, përcjell albinfo.ch.

Ndër ngarkesat e armëve ishin armë, granata, pistoleta dhe pushkë.

Personi i dyshuar për shitjen ilegale të armëve në Austri, ka qenë objekt i një hetimi të përbashkët nga Austria dhe autoritetet zvicerane, gjatë pesë muajve të fundit.

Ai tani është në paraburgim, i akuzuar për kërcënim të sigurisë publike dhe shkelje të ligjit të armëve.

Hetimi është në vazhdim.