100 milionë euro fitime për Trustin nga investimet në tregjet ndërkombëtare

Drejtuesit e këtij institucioni kanë bërë të ditur se deri në dhjetor mjetet e reja nën menaxhim janë rritur në 217 milionë euro

Fondi i Kursimeve Pensionale të Kosovës ka bërë të ditur se deri në dhjetorin e këtij viti ka arritur të nxjerrë përfitime deri në mbi 100 milionë euro nga investimi në tregjet ndërkombëtare.

Në konferencën përmbyllëse të këtij viti, drejtuesit e këtij institucioni kanë bërë të ditur se deri në dhjetor mjetet e reja nën menaxhim janë rritur në 217 milionë euro, ndërsa mjetet nën menaxhim të përgjithshëm arrijnë në 1 miliard e 634 milionë euro.

Gjatë kësaj periudhe, numri i kontribuuesve të rinj ka arritur në mbi 47 mijë persona.

Sa u përket pensioneve, këtë vit janë pensionuar mbi 5 mijë qytetarë që kanë përfituar 26 milionë euro. Në këtë konferencë zyrtarë të Trustit kanë përmendur pasigurinë e madhe që ekziston tek investimet në paratë digjitale.