Edhe zëvendëskryeministrat do të bëhen me këshilltarë

Në mbledhjen e qeverisë që u mbajt në mëngjesin e sotëm, u morën disa vendime, ku ndër të tjera është vendosur që secili zëvendësministër të bëhet me këshilltarë, përcjell albinfo.ch.

Qeveria e Kosovës ka miratuar edhe propozim vendimin për kursime dhe ndarje buxhetore si dhe për transfere dhe rialokime të organizatave buxhetore për vitin 2017.

Kryeministri Ramush Haradinaj, gjithashtu mori vendim që të përkrahë shoqatën e malazezëve me 16 mijë e 800 euro.

Veç këtyre, shefi i qeverisë kosovare tha se në bazë të pikës 3.1 të një vendimi, shtohen edhe disa zyrtarë tjerë.

Secili zëvendëskryeministër do ta ketë edhe nga një këshilltar. “Është nga një këshilltar i zëvendëskryeministrave i secilit”, tha Ramush Haradinaj.

Qeveria e Kosovës mori vendim një ditë më herët që t’i rrit pagat e zyrtarëve në Qeveri, duke nisur nga kryeministri, i cili tani ka pagë prej 2950 euro.

Zëvendëskryeministrat do të paguhen me 2 mijë e 500 euro në muaj, kurse ministrat me nga 2 mijë euro.