Familja e ish-ushtarit të UÇK-së bëhet me banesë, ndihmojnë edhe mërgimtarët

Familja e ish-ushtarit të UÇK-së, Lavdim Ademi nga Mitrovica është bërë me banesë të re, shkruan albinfo.ch.

Njoftimi është dhënë nga Shoqata Bamirëse “Jetimat e Ballkanit” që vazhdon me misionin e saj humanitar.

“Lavdimi ka qenë edhe pjesëtar i FSK-se dhe para një viti e gjysmë gjatë orarit sa ishte në punë, nga një sulm në zemër vdes duke i lënë prapa bashkëshorten dhe dy djem, ku sot ata u gëzuan me banese të re. Banesa është 65 metra katrorë dhe ka kushtuar 32 mije euro pa mobile”, thuhet në njoftim.

Parlamenti i Kosovës ka dhuruar 20 mijë euro. “Falënderojmë Misini Sweets me seli në Mitrovicë të cilët me vullnetin më të madh kanë mobiluar komplet këtë banesë. Falënderojmë të gjithë bamirësit tanë që kompletuan shumën e blerjes së kësaj banese”, thuhet tutje.

Si gjithmonë edhe mërgimtarët kanë kontribuar për të blerë këtë banesë.