Më pak pritje në Merdarë, kolonat sot deri 1 orë

Në pikën kufitare në Merdarë pritjet për të hyrë në Kosovë janë deri në 1 orë, ndërsa në dalje të Kosovës nuk ka pritjet përveç kontrollës që zgjat 10 minuta

Fluksi i madh i bashkatdhetarëve që kanë ardhur për pushimet e fundvitit në Kosovë është reduktuar të dielën pasdite. Sipas njoftimit të Policisë së Kosovës, pritjet në pikë-kalimin e Merdarës të dielën pasdite kanë qenë rreth një orë, për ata që hyjnë në Kosovës, ndërsa gjatë daljes nuk ka pasur pritje.

Këto deklarata i ka thënë për KP zëdhënësi i Policisë së Kosovës, Daut Hoxha, i cili ka apeluar që mërgimtarët të shfrytëzojnë edhe pikat e tjera kufitare që për shkak të fluksit të madh të shmangin pritjen. Policia edhe më herët nëpërmjet një deklarate për media ka apeluar që bashkatdhetarët t’i shfrytëzojnë edhe pikat tjera kufitare për t’i ikur kolonave në Merdare.

Por, bashkatdhetarët, shumica prej tyre e shfrytëzojnë hyrjen afër Pudujevës, për t’i shmangur dhjetëra kilometra rrugë sidomos kanioneve të Moravës për të Dheu i Bardh ose në Muçibabë e Mutivodë.