Kosova po e feston ditën e Krishtlindjes

Në katedralen “Shën Tereza” në Prishtinë po mbahet mesha e Krishtlindjes, që ka filluar në orën 11:00.

Aty po marrin pjesë një numër i madh qytetarësh të cilët po e ndjekin nga afër këtë meshë. Ipeshkvi i Kosovës, Don Lush Gjergji, gjatë kësaj ceremonie fetare është shprehur se kjo katedrale është mundësi e afrimit me Zotin dhe njëri-tjetrin, përcjell albinfo.ch.

Sipas tij, më në fund u realizua një ëndërr shumë e gjatë, që në Prishtinë të jetë shënjtorja e Nënës Terezë.

Kurse, nga ora 17:00, do të mbahet mesha në gjuhën angleze, në Kishën e Shën Ndout në Ulpianë, Prishtinë, si dhe në orën 18:00, mesha në Kishën Shën Ndou në Ulpianë, Prishtinë.