Ushtari i FSK-së merr çmimin e “Njeriu i Hekurt” në SHBA

Me suksesin që tregoi arriti ta radhisë Kosovën në mesin e dhjetë shteteve që u nderuan.

Pjesëtari i Forcës së Sigurisë, Meriman Suka, këtë muaj përfundoi specializimin për inxhinieri luftarake në Mizuri të SHBA-së, raporton Klan Kosova.

Ai ishte përzgjedhur nga FSK-ja për trajnimin gjashtë mujor në këtë shtet, e nga atje nuk u kthye duarthatë, përcjell albinfo.ch.

“Jam shumë krenar që e kam fituar këtë çmim dhe që kam përfaqësuar FSK-në dhe Kosovën. Ky ishte një trajnim intensiv për gjashtë muaj, dhe mjaft i vështirë. Megjithatë, ia dola me sukses”, ka thënë Suka.

Oficeri u dallua në veçanti për fizikun e tij, për çka kazerma “Fort Leonard Wood” e nderoi me çmimin “Njeriu i Hekurt”.